agar ai na-KHuda tufan se laDne ka dam-KHam hai
agar ai nā-ḳhudā tūfān se laḌne kā dam-ḳham hai
udhar kashtī na le jaanā vahāñ paanī bahut kam hai
na jaane kyuuñ mirī afsurdagī kā ab ye 'ālam hai
ki maiñ hañstā huuñ ḳhud par aur vo bā-dīda-e-nam hai
agar maujeñ Dubo detīñ to kuchh to sabr ho jaatā
kināroñ ne Duboyā hai mujhe is baat kā ġham hai
mujhe haq-goī kī zid hai isī bā'is zamāne meñ
jise bhī dekhiye vo aaj mujh se saḳht barham hai
tumhārī pesh-qadmī ik haqīqat hai magar 'rāhī'
abhī kuchh aur tezī se baḌho raftār maddham hai
agar ai na-KHuda tufan se laDne ka dam-KHam hai
udhar kashti na le jaana wahan pani bahut kam hai
na jaane kyun meri afsurdagi ka ab ye 'alam hai
ki main hansta hun KHud par aur wo ba-dida-e-nam hai
agar maujen Dubo detin to kuchh to sabr ho jata
kinaron ne Duboya hai mujhe is baat ka gham hai
mujhe haq-goi ki zid hai isi ba'is zamane mein
jise bhi dekhiye wo aaj mujh se saKHt barham hai
tumhaari pesh-qadmi ek haqiqat hai magar 'rahi'
abhi kuchh aur tezi se baDho raftar maddham hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
