aankh mein kab se muqayyad tha ye pala hua ashk
aañkh meñ kab se muqayyad thā ye paalā huā ashk
jaise muddat se ho taqdīr kā Taalā huā ashk
khā liye aañkh ne daane jo ġham-e-gandum ke
aise hī ḳhuld se ho ek nikālā huā ashk
us kī yādoñ ko liye phirtā rahā barsoñ tak
aañkh se gir na sakā aur ye chhālā huā ashk
yuuñ to mā'mūl hai ashkoñ kī laḌī ban jaanā
jab zarā der se Tapkā to nirālā huā ashk
tah meñ rah jaatā to kankar ke sivā hotā kyā
aañkh kī jhiil se ubhrā to ye baalā huā ashk
aankh mein kab se muqayyad tha ye pala hua ashk
jaise muddat se ho taqdir ka Tala hua ashk
kha liye aankh ne dane jo gham-e-gandum ke
aise hi KHuld se ho ek nikala hua ashk
us ki yaadon ko liye phirta raha barson tak
aankh se gir na saka aur ye chhaala hua ashk
yun to ma'mul hai ashkon ki laDi ban jaana
jab zara der se Tapka to nirala hua ashk
tah mein rah jata to kankar ke siwa hota kya
aankh ki jhil se ubhra to ye baala hua ashk
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
