ghamza nahin hota ki ishaara nahin hota
ġhamza nahīñ hotā ki ishārā nahīñ hotā
aañkh un se jo miltī hai to kyā kyā nahīñ hotā
jalva na ho ma.anī kā to sūrat kā asar kyā
bulbul gul-e-tasvīr kā shaidā nahīñ hotā
allāh bachā.e maraz-e-ishq se dil ko
sunte haiñ ki ye āriza achchhā nahīñ hotā
tashbīh tire chehre ko kyā duuñ gul-e-tar se
hotā hai shagufta magar itnā nahīñ hotā
maiñ naza.a meñ huuñ aa.eñ to ehsān hai un kā
lekin ye samajh leñ ki tamāshā nahīñ hotā
ham aah bhī karte haiñ to ho jaate haiñ badnām
vo qatl bhī karte haiñ to charchā nahīñ hotā
ghamza nahin hota ki ishaara nahin hota
aankh un se jo milti hai to kya kya nahin hota
jalwa na ho mani ka to surat ka asar kya
bulbul gul-e-taswir ka shaida nahin hota
allah bachae maraz-e-ishq se dil ko
sunte hain ki ye aariza achchha nahin hota
tashbih tere chehre ko kya dun gul-e-tar se
hota hai shagufta magar itna nahin hota
main naza mein hun aaen to ehsan hai un ka
lekin ye samajh len ki tamasha nahin hota
hum aah bhi karte hain to ho jate hain badnam
wo qatl bhi karte hain to charcha nahin hota
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
