ganw ki aankh se basti ki nazar se dekha

gaañv kī aañkh se bastī kī nazar se dekhā

ek hī rañg hai duniyā ko jidhar se dekhā

ham se ai husn adā kab tirā haq ho paayā

aañkh bhar tujh ko buzurgoñ ke na Dar se dekhā

apnī bāñhoñ kī tarah mujh ko lagīñ sab shāḳheñ

chāñd uljhā huā jis raat shajar se dekhā

ham kisī jañg meñ shāmil na hue bas ham ne

har tamāshe ko faqat rāhguzar se dekhā

har chamakte hue manzar se rahe ham nārāz

saare chehroñ ko sadā dīda-e-tar se dekhā

phuul se bachchoñ ke shānoñ pe the bhārī baste

ham ne schōl ko dushman kī nazar se dekhā

ganw ki aankh se basti ki nazar se dekha

ek hi rang hai duniya ko jidhar se dekha

hum se ai husn ada kab tera haq ho paya

aankh bhar tujh ko buzurgon ke na Dar se dekha

apni banhon ki tarah mujh ko lagin sab shaKHen

chand uljha hua jis raat shajar se dekha

hum kisi jang mein shamil na hue bas hum ne

har tamashe ko faqat rahguzar se dekha

har chamakte hue manzar se rahe hum naraaz

sare chehron ko sada dida-e-tar se dekha

phul se bachchon ke shanon pe the bhaari baste

hum ne school ko dushman ki nazar se dekha