har roz wahan ek naya fitna khaDa tha

har roz vahāñ ek nayā fitna khaḌā thā

jis dasht meñ maiñ dil-zada patthar sā paḌā thā

sāñsoñ meñ harārat hai to kuchh dhyān se apne

varna tire jaane kā mujhe ranj baḌā thā

hañs hañs ke kiyā sahl use bul-havasoñ ne

arbāb-e-dil-o-dīda pe jo vaqt kaḌā thā

har raah meñ ab saa.e se un ke hai añdherā

nā'lain meñ jin logoñ ke ḳhurshīd paḌā thā

miTTī meñ milā mauj-e-nasīm-e-saharī se

maiñ sīna-e-gulshan pe himāla sā khaḌā thā

vo shor uThā saarā chaman rah gayā san se

sūkhā huā pattā koī Tahnī se jhaḌā thā

'shohrat' se jigar-dār pe kyā biit ga.ī hai

chaurāhe pe kal shahr ke hairān khaḌā thā

har roz wahan ek naya fitna khaDa tha

jis dasht mein main dil-zada patthar sa paDa tha

sanson mein hararat hai to kuchh dhyan se apne

warna tere jaane ka mujhe ranj baDa tha

hans hans ke kiya sahl use bul-hawason ne

arbab-e-dil-o-dida pe jo waqt kaDa tha

har rah mein ab sae se un ke hai andhera

na'lain mein jin logon ke KHurshid paDa tha

miTTi mein mila mauj-e-nasim-e-sahari se

main sina-e-gulshan pe himala sa khaDa tha

wo shor uTha sara chaman rah gaya san se

sukha hua patta koi Tahni se jhaDa tha

'shohrat' se jigar-dar pe kya bit gai hai

chaurahe pe kal shahr ke hairan khaDa tha