jaane kya tha aur kya kahte rahe

jaane kyā thā aur kyā kahte rahe

hādse ko vāqi'a kahte rahe

jal gayā ghar tab huā mā'lūm ye

ek sho'le ko diyā kahte rahe

aañkh vāloñ meñ basārat thī kahāñ

sang ko bhī aa.ina kahte rahe

sar kī 'azmat se thā jin ko ehtirāz

aadmī ko bhī ḳhudā kahte rahe

jaane kyā thī maslahat ġhunche tamām

ik bagūle ko sabā kahte rahe

jaane kyā thiiñ zabt kī majbūriyāñ

har sitam ko sāniha kahte rahe

jis ke hoñToñ par sadāqat thī 'alī'

log us ko bāvlā kahte rahe

jaane kya tha aur kya kahte rahe

hadse ko waqi'a kahte rahe

jal gaya ghar tab hua ma'lum ye

ek sho'le ko diya kahte rahe

aankh walon mein basarat thi kahan

sang ko bhi aaina kahte rahe

sar ki 'azmat se tha jin ko ehtiraaz

aadmi ko bhi KHuda kahte rahe

jaane kya thi maslahat ghunche tamam

ek bagule ko saba kahte rahe

jaane kya thin zabt ki majburiyan

har sitam ko saniha kahte rahe

jis ke honTon par sadaqat thi 'ali'

log us ko bawla kahte rahe