arman mere kyun ai hamdam miTne pe miTae jate hain

armān mire kyuuñ ai hamdam miTne pe miTā.e jaate haiñ

jo tinke jal kar raakh hue ab vo bhī jalā.e jaate haiñ

ham dīda-e-tar se ashkoñ kā dariyā sā bahā.e jaate haiñ

ye motī haiñ anmol magar ham yuuñ hī luTā.e jaate haiñ

ham rote haiñ vo hañste haiñ hai priit kī shāyad riit yahī

ham aag bujhā.e jaate haiñ vo aag lagā.e jaate haiñ

ye hastī kyā ye mastī kyā ye jiinā kyā ye piinā kyā

jab ek ghaḌī hañs lene par tā-'umr rulā.e jaate haiñ

āñkhoñ ke baham mil jaane par iz.hār-e-tamannā kaun kare

kuchh vo bhī lajā.e jaate haiñ kuchh ham bhī lajā.e jaate haiñ

ab is kā ḳhudā hī hāfiz hai ye Duube yā us paar lage

ham aashā kī tūfānoñ meñ ik naav bahā.e jaate haiñ

arman mere kyun ai hamdam miTne pe miTae jate hain

jo tinke jal kar rakh hue ab wo bhi jalae jate hain

hum dida-e-tar se ashkon ka dariya sa bahae jate hain

ye moti hain anmol magar hum yun hi luTae jate hain

hum rote hain wo hanste hain hai prit ki shayad rit yahi

hum aag bujhae jate hain wo aag lagae jate hain

ye hasti kya ye masti kya ye jina kya ye pina kya

jab ek ghaDi hans lene par ta-'umr rulae jate hain

aankhon ke baham mil jaane par izhaar-e-tamanna kaun kare

kuchh wo bhi lajae jate hain kuchh hum bhi lajae jate hain

ab is ka KHuda hi hafiz hai ye Dube ya us par lage

hum aasha ki tufanon mein ek naw bahae jate hain