Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

talKHi-e-zist ho kitni bhi magar na-mumkin

Monika Singh Moh

talKHi-e-zist ho kitni bhi magar na-mumkin

Monika Singh Moh

MORE BYMonika Singh Moh

    talḳhī-e-zīst ho kitnī bhī magar nā-mumkin

    rone lag jā.ūñ karūñ aañkh ko tar nā-mumkin

    tū ne badlā hai jo rasta to ye tai hai jānāñ

    muḌ ke dekhegī tujhe merī nazar nā-mumkin

    apne hisse kī siyah-shab se shikāyat hai magar

    maañg luuñ ġhair ke sūraj se sahar nā-mumkin

    jo ki daulat ke liye bech de ġhairat apnī

    sar uThā kar ke jiye aisā bashar nā-mumkin

    rāh-e-manzil pe nikal aa.ī huuñ be-ḳhauf-o-ḳhatar

    ab mujhe rok de ye gard-e-safar nā-mumkin

    'monikā' mujh meñ chamakte haiñ mohabbat ke nujūm

    mujh se nikle koī nafrat kā sharar nā-mumkin

    talKHi-e-zist ho kitni bhi magar na-mumkin

    rone lag jaun karun aankh ko tar na-mumkin

    tu ne badla hai jo rasta to ye tai hai jaanan

    muD ke dekhegi tujhe meri nazar na-mumkin

    apne hisse ki siyah-shab se shikayat hai magar

    mang lun ghair ke suraj se sahar na-mumkin

    jo ki daulat ke liye bech de ghairat apni

    sar uTha kar ke jiye aisa bashar na-mumkin

    rah-e-manzil pe nikal aai hun be-KHauf-o-KHatar

    ab mujhe rok de ye gard-e-safar na-mumkin

    'monika' mujh mein chamakte hain mohabbat ke nujum

    mujh se nikle koi nafrat ka sharar na-mumkin

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning
    Speak Now