koi kab tak sabr-amoz-e-lab-e-fariyaad ho
koī kab tak sabr-āmoz-e-lab-e-fariyād ho
daad ke badle 'alal-ai'lān jab bedād ho
dil lagā kar tum se dīvāne bane barbād ho
jaan shīrīñ kyuuñ gañvā.e kyuuñ koī farhād ho
kyā yahī shart-e-vafā hai kyā yahī insāf hai
maiñ miTāyā jā.ūñ merī ḳhaak bhī barbād ho
vaj.h-e-taskīn-e-dil-e-muztar ho kuchh to hijr meñ
tū nahīñ to ġham ġhalat karne ko terī yaad ho
mere marne kī ḳhabar sun kar vo bole yā ḳhudā
ye ḳhabar jhūTī ho ye afvāh be-buniyād ho
jis tarah mujh ko miTāyā haa.e us be-rahm ne
koī dushman bhī na yā-rab is tarah barbād ho
koi kab tak sabr-amoz-e-lab-e-fariyaad ho
dad ke badle 'alal-ai'lan jab bedad ho
dil laga kar tum se diwane bane barbaad ho
jaan shirin kyun ganwae kyun koi farhad ho
kya yahi shart-e-wafa hai kya yahi insaf hai
main miTaya jaun meri KHak bhi barbaad ho
wajh-e-taskin-e-dil-e-muztar ho kuchh to hijr mein
tu nahin to gham ghalat karne ko teri yaad ho
mere marne ki KHabar sun kar wo bole ya KHuda
ye KHabar jhuTi ho ye afwah be-buniyaad ho
jis tarah mujh ko miTaya hae us be-rahm ne
koi dushman bhi na ya-rab is tarah barbaad ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
