ye hath main tere hathon mein rakh ke bhul gaya
ye haath maiñ tire hāthoñ meñ rakh ke bhuul gayā
ki ik kitāb kitāboñ meñ rakh ke bhuul gayā
nujūmiyoñ ne batāyā ki kātib-e-taqdīr
mirā nasīb sitāroñ meñ rakh ke bhuul gayā
hazār chehre jo badle to kho gayā chehra
maiñ apnā jism libāsoñ meñ rakh ke bhuul gayā
na jaane kaun se pyāle meñ āb-e-kausar thā
yahīñ kahīñ maiñ sharāboñ meñ rakh ke bhuul gayā
hai yaad aaj bhī daftar kā ek ik kāġhaz
par apne ḳhvāb darāzoñ meñ rakh ke bhuul gayā
ye hath main tere hathon mein rakh ke bhul gaya
ki ek kitab kitabon mein rakh ke bhul gaya
nujumiyon ne bataya ki katib-e-taqdir
mera nasib sitaron mein rakh ke bhul gaya
hazar chehre jo badle to kho gaya chehra
main apna jism libason mein rakh ke bhul gaya
na jaane kaun se pyale mein aab-e-kausar tha
yahin kahin main sharabon mein rakh ke bhul gaya
hai yaad aaj bhi daftar ka ek ek kaghaz
par apne KHwab daraazon mein rakh ke bhul gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
