ek din KHwab-nagar jaana hai
ek din ḳhvāb-nagar jaanā hai
aur yūñhī ḳhāk-basar jaanā hai
umr bhar kī ye jo hai be-ḳhvābī
ye usī ḳhvāb kā harjānā hai
ghar se kis vaqt chale the ham log
ḳhair ab kaun sā ghar jaanā hai
maut kī pahlī alāmat sāhib
yahī ehsās kā mar jaanā hai
kisī taqrīb-e-judā.ī ke baġhair
Thiik hai jaao agar jaanā hai
shor kī dhuul meñ gum galiyoñ se
dil ko chup-chāp guzar jaanā hai
ek din KHwab-nagar jaana hai
aur yunhi KHak-basar jaana hai
umr bhar ki ye jo hai be-KHwabi
ye usi KHwab ka harjaana hai
ghar se kis waqt chale the hum log
KHair ab kaun sa ghar jaana hai
maut ki pahli alamat sahib
yahi ehsas ka mar jaana hai
kisi taqrib-e-judai ke baghair
Thik hai jao agar jaana hai
shor ki dhul mein gum galiyon se
dil ko chup-chap guzar jaana hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
