aa jae wo milne to mujhe id-mubarak
aa jaa.e vo milne to mujhe īd-mubārak
mat aa.e ba-har-hāl use īd-mubārak
aisā ho sab insān hoñ ḳhush itne ki har roz
ik dūsre se kahtā phire īd-e-mubārak
haañ mujh se jise jis se mujhe jo bhī gila ho
ābād rahe shaad rahe īd-e-mubārak
tanhā.ī sī tanhā.ī ki dīvār bhī shashdar
ab khul ke kahe yā na kahe īd-e-mubārak
sargoshī ne patthar ko sabaq yaad dilāyā
paanī ne likhā ā.īne pe īd-e-mubārak
tum jo mire sheroñ ke muḳhātib the na hoge
āḳhir meñ tumheñ sirf tumhe īd-mubārak
aa jae wo milne to mujhe id-mubarak
mat aae ba-har-haal use id-mubarak
aisa ho sab insan hon KHush itne ki har roz
ek dusre se kahta phire id-e-mubarak
han mujh se jise jis se mujhe jo bhi gila ho
aabaad rahe shad rahe id-e-mubarak
tanhai si tanhai ki diwar bhi shashdar
ab khul ke kahe ya na kahe id-e-mubarak
sargoshi ne patthar ko sabaq yaad dilaya
pani ne likha aaine pe id-e-mubarak
tum jo mere sheron ke muKHatib the na hoge
aaKHir mein tumhein sirf tumhe id-mubarak
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
