zikr jab hota hai us paikar-e-ranai ka
zikr jab hotā hai us paikar-e-rā'nā.ī kā
yaad aa jaatā hai chehra kisī harjā.ī kā
shā'irī chiiz hai kyā ye mire dil se pūchho
shā'irī naam nahīñ qāfiya-paimā.ī kā
ek vo daur thā jab ġhair bhī kaam aate the
ek ye daur hai bhaa.ī bhī nahīñ bhaa.ī kā
ab bhī tanhā.ī meñ dil chiir ke rakh detā hai
jab bhī aa jaatā hai jhoñkā koī purvā.ī kā
har bure kaam kā anjām burā hotā hai
kaam jab kījiye to kījiye achchhā.ī kā
koī taslīm kare yā na kare sach hai magar
she'r kahtā hai 'asar' bhī baḌī gahrā.ī kā
zikr jab hota hai us paikar-e-ra'nai ka
yaad aa jata hai chehra kisi harjai ka
sha'iri chiz hai kya ye mere dil se puchho
sha'iri nam nahin qafiya-paimai ka
ek wo daur tha jab ghair bhi kaam aate the
ek ye daur hai bhai bhi nahin bhai ka
ab bhi tanhai mein dil chir ke rakh deta hai
jab bhi aa jata hai jhonka koi purwai ka
har bure kaam ka anjam bura hota hai
kaam jab kijiye to kijiye achchhai ka
koi taslim kare ya na kare sach hai magar
she'r kahta hai 'asar' bhi baDi gahrai ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
