ye rasm-o-rah mujhe ajnabi si lagti hai
ye rasm-o-rāh mujhe ajnabī sī lagtī hai
tirī nigāh mujhe ajnabī sī lagtī hai
mirī hayāt kī kirneñ haiñ jis ke zarroñ meñ
vo shāhrāh mujhe ajnabī sī lagtī hai
ġham-e-hayāt kā ye kaun sā maqām aayā
ki apnī aah mujhe ajnabī sī lagtī hai
jahāñ shu'ūr-e-tajallī ne aañkh kholī thī
vo jalva-gāh mujhe ajnabī sī lagtī hai
tumheñ yaqīñ nahīñ lekin ye sub.h-e-nau kī ziyā
ḳhudā-gavāh mujhe ajnabī sī lagtī hai
ye rasm-o-rah mujhe ajnabi si lagti hai
teri nigah mujhe ajnabi si lagti hai
meri hayat ki kirnen hain jis ke zarron mein
wo shahrah mujhe ajnabi si lagti hai
gham-e-hayat ka ye kaun sa maqam aaya
ki apni aah mujhe ajnabi si lagti hai
jahan shu'ur-e-tajalli ne aankh kholi thi
wo jalwa-gah mujhe ajnabi si lagti hai
tumhein yaqin nahin lekin ye subh-e-nau ki ziya
KHuda-gawah mujhe ajnabi si lagti hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
