tera wujud hi sab se baDi haqiqat hai
tirā vujūd hī sab se baḌī haqīqat hai
tujhe bhulā nahīñ saktā yahī mohabbat hai
gila nahīñ hai tirī be-ta'alluqī se mujhe
maiñ jāntā huuñ tujhe bhūlne kī 'ādat hai
dil-e-hazīñ ko baḌī der meñ huā mā'lūm
yahī ki terī mohabbat mirī zarūrat hai
mirī talab meñ hai ThanDak gaye zamānoñ kī
tire lahū meñ na.e mausamoñ kī hiddat hai
ḳhud apnī zaat kā jab tajziya kiyā to khulā
tire baġhair bhī jiine kī ek sūrat hai
tera wujud hi sab se baDi haqiqat hai
tujhe bhula nahin sakta yahi mohabbat hai
gila nahin hai teri be-ta'alluqi se mujhe
main jaanta hun tujhe bhulne ki 'adat hai
dil-e-hazin ko baDi der mein hua ma'lum
yahi ki teri mohabbat meri zarurat hai
meri talab mein hai ThanDak gaye zamanon ki
tere lahu mein nae mausamon ki hiddat hai
KHud apni zat ka jab tajziya kiya to khula
tere baghair bhi jine ki ek surat hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
