sukhi hui zamin ko kabhi tar na kar saka
sūkhī huī zamīñ ko kabhī tar na kar sakā
ye kaam aaj tak vo samundar na kar sakā
sar ho gaye ḳhulūs se kitne hī mā'rke
aḳhlāq ne jo kar diyā ḳhanjar na kar sakā
vo hausle ki aage hī baḌhte gaye qadam
sunte haiñ ye kamāl sikandar na kar sakā
maiñ be-hunar thā phir bhī kināre pahuñch gayā
dariyā agarche paar shanāvar na kar sakā
'e'jāz' is meñ rang-e-mohabbat kahīñ nahīñ
patthar ke is makān ko vo ghar na kar sakā
sukhi hui zamin ko kabhi tar na kar saka
ye kaam aaj tak wo samundar na kar saka
sar ho gaye KHulus se kitne hi ma'rke
aKHlaq ne jo kar diya KHanjar na kar saka
wo hausle ki aage hi baDhte gaye qadam
sunte hain ye kamal sikandar na kar saka
main be-hunar tha phir bhi kinare pahunch gaya
dariya agarche par shanawar na kar saka
'e'jaz' is mein rang-e-mohabbat kahin nahin
patthar ke is makan ko wo ghar na kar saka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
