rafta rafta KHwahishen bhi be-zaban hoti gain
rafta rafta ḳhvāhisheñ bhī be-zabāñ hotī ga.iiñ
talḳhiyāñ jab vaqt ke sach kī 'ayāñ hotī ga.iiñ
chāñd tāroñ kī shu'ā'eñ mehr-e-tābāñ dekh kar
āsmāñ kī vus'atoñ meñ ḳhud nihāñ hotī ga.iiñ
mere lafzoñ par ḳhayāloñ par qalam par zehn kī
rafta rafta kuchh na kuchh pābandiyāñ hotī ga.iiñ
rābte TuuTe haiñ rishte rah ga.e haiñ naam ke
talḳhiyāñ haa.el diloñ ke darmiyāñ hotī ga.iiñ
ye zamīn-o-āsmāñ 'rāzī' ye dil-kash kā.ināt
ek nuqte se hazāroñ kahkashāñ hotī ga.iiñ
rafta rafta KHwahishen bhi be-zaban hoti gain
talKHiyan jab waqt ke sach ki 'ayan hoti gain
chand taron ki shu'a'en mehr-e-taban dekh kar
aasman ki wus'aton mein KHud nihan hoti gain
mere lafzon par KHayalon par qalam par zehn ki
rafta rafta kuchh na kuchh pabandiyan hoti gain
rabte TuTe hain rishte rah gae hain nam ke
talKHiyan hael dilon ke darmiyan hoti gain
ye zamin-o-asman 'raazi' ye dil-kash kainat
ek nuqte se hazaron kahkashan hoti gain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
