jis qadar fasle baDhae hain

jis qadar fāsle baḌhā.e haiñ

aap utnā hī paas aa.e haiñ

qāsido jaan maañg lo chāhe

gar ḳhabar aap un kī laa.e haiñ

ham ko likhtā ki jā chalā jā tū

kaise jaa.eñ ki tere saa.e haiñ

ek maiñ hī nahīñ makīñ apnā

aap mehmān bin bulā.e haiñ

ḳhaak koī hasīñ nazar aa.e

aap jab aañkh meñ samā.e haiñ

aap to de ke zaḳhm bhuul ga.e

ham ne marham vo sab banā.e haiñ

'ishq ke rog ne satāyā thā

ab tabīboñ ke ham satā.e haiñ

aap ko zindagī kahā aise

zindagī ko bhī ham na bhaa.e haiñ

māntā huuñ vafā nahīñ lāzim

ḳhvāb kyuuñ bā-vafā dikhā.e haiñ

kaun kāfir kare jafā 'abrak'

vo ḳhayāloñ meñ muskurā.e haiñ

jis qadar fasle baDhae hain

aap utna hi pas aae hain

qasido jaan mang lo chahe

gar KHabar aap un ki lae hain

hum ko likhta ki ja chala ja tu

kaise jaen ki tere sae hain

ek main hi nahin makin apna

aap mehman bin bulae hain

KHak koi hasin nazar aae

aap jab aankh mein samae hain

aap to de ke zaKHm bhul gae

hum ne marham wo sab banae hain

'ishq ke rog ne sataya tha

ab tabibon ke hum satae hain

aap ko zindagi kaha aise

zindagi ko bhi hum na bhae hain

manta hun wafa nahin lazim

KHwab kyun ba-wafa dikhae hain

kaun kafir kare jafa 'abrak'

wo KHayalon mein muskurae hain