hota hai dil mein dard kahan puchhte hain log

hotā hai dil meñ dard kahāñ pūchhte haiñ log

kis sādgī se terā nishāñ pūchhte haiñ log

dil ke qarīb aate nahīñ duur duur se

uThtā hai kis jagah se dhuāñ pūchhte haiñ log

ab kārobār-e-'ishq meñ vo zabt-e-dil kahāñ

pahle hī apnā sūd-o-ziyāñ pūchhte haiñ log

jab ho chuke haiñ zaat kī pahnā.iyoñ meñ gum

kyā vus'at-e-zamīn-o-zamāñ pūchhte haiñ log

tasvīr-e-kā.enāt ko duniyā hai pūjtī

tafhīm-e-kā.enāt kahāñ pūchhte haiñ log

kitnā ye ḳhaufnāk hai ahbāb kā savāl

guzrī hai kaise 'umr-e-ravāñ pūchhte haiñ log

hoḌa meñ būd-o-bāsh hai bachpan se ai 'azīz'

ye jaan kar bhī merī zabāñ pūchhte haiñ log

hota hai dil mein dard kahan puchhte hain log

kis sadgi se tera nishan puchhte hain log

dil ke qarib aate nahin dur dur se

uThta hai kis jagah se dhuan puchhte hain log

ab karobar-e-'ishq mein wo zabt-e-dil kahan

pahle hi apna sud-o-ziyan puchhte hain log

jab ho chuke hain zat ki pahnaiyon mein gum

kya wus'at-e-zamin-o-zaman puchhte hain log

taswir-e-kaenat ko duniya hai pujti

tafhim-e-kaenat kahan puchhte hain log

kitna ye KHaufnak hai ahbab ka sawal

guzri hai kaise 'umr-e-rawan puchhte hain log

hoDa mein bud-o-bash hai bachpan se ai 'aziz'

ye jaan kar bhi meri zaban puchhte hain log