bachaw ke chalan bekar hote ja rahe hain
bachaw ke chalan bekar hote ja rahe hain
Mohammad Aslam Raza Khwaja
MORE BYMohammad Aslam Raza Khwaja
bachāv ke chalan bekār hote jā rahe haiñ
ye sab manzar lahū-āsār hote jā rahe haiñ
vo apne haath se ḳhud zulf ko sahlā rahā hai
ham us ko dekh kar sarshār hote jā rahe haiñ
sharārat us kī āñkhoñ meñ jhalakne lag ga.ī hai
hamāre ḳhvāb bhī bedār hote jā rahe haiñ
ghuTan itnī kushāda shahr meñ phailī huī hai
badan ab bojh aur āzār hote jā rahe haiñ
kahīñ jaane kī bāteñ vo kisī se kar rahā hai
yahāñ ham dar se phir dīvār hote jā rahe haiñ
bachaw ke chalan bekar hote ja rahe hain
ye sab manzar lahu-asar hote ja rahe hain
wo apne hath se KHud zulf ko sahla raha hai
hum us ko dekh kar sarshaar hote ja rahe hain
shararat us ki aankhon mein jhalakne lag gai hai
hamare KHwab bhi bedar hote ja rahe hain
ghuTan itni kushada shahr mein phaili hui hai
badan ab bojh aur aazar hote ja rahe hain
kahin jaane ki baaten wo kisi se kar raha hai
yahan hum dar se phir diwar hote ja rahe hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
