tumko aziz ho jo meri jaan mangna

tum ko 'azīz ho jo mirī jaan māñgnā

honā kabhī na ḳhud meñ pareshān māñgnā

chhā jaa.e abr-e-yās jo hadd-e-nigāh tak

tab zindagī kā ik nayā 'unvān māñgnā

maiñ kar rahā huuñ ab bhī ġham-e-jān-o-dil raqam

mujh se abhī na koī bhī ehsān māñgnā

maiñ tum ko de sakūñgā na shāḳh-o-shajar kā sukh

mujh se jo māñgnā ho to guldān māñgnā

sab kā hai kaam māñgnā māñgā kareñge vo

lekin kisī se aap na 'farhān' māñgnā

tum ko 'aziz ho jo meri jaan mangna

hona kabhi na KHud mein pareshan mangna

chha jae abr-e-yas jo hadd-e-nigah tak

tab zindagi ka ek naya 'unwan mangna

main kar raha hun ab bhi gham-e-jaan-o-dil raqam

mujh se abhi na koi bhi ehsan mangna

main tum ko de sakunga na shaKH-o-shajar ka sukh

mujh se jo mangna ho to guldan mangna

sab ka hai kaam mangna manga karenge wo

lekin kisi se aap na 'farhan' mangna