dur tak sabza kahin hai aur na koi saeban
duur tak sabza kahīñ hai aur na koī sā.ebāñ
zer-e-pā taptī zamīñ hai sar pe jaltā āsmāñ
jaise do mulkoñ ko ik sarhad alag kartī huī
vaqt ne ḳhat aisā khīñchā mere us ke darmiyāñ
ab ke sailāb-e-balā sab kuchh bahā kar le gayā
ab na ḳhvāboñ ke jazīre haiñ na dil kī kashtiyāñ
lutf un kā ab huā to hai magar kuchh is tarah
jaise sahrā se guzar jaa.e koī abr-e-ravāñ
munhasir hai aisī ik buniyād par us kā yaqīñ
jis tarah dosh-e-havā par koī tinkoñ kā makāñ
be-zabānoñ se ḳhamoshī kā gila kaisā ki jab
so ga.e lafzoñ kī chādar taan kar ahl-e-zabāñ
ye safar kaisā hai 'mohsin' jitnā baḌhte jā.iye
baḌhtī jaa.eñ utnī hī manzil-ba-manzil dūriyāñ
dur tak sabza kahin hai aur na koi saeban
zer-e-pa tapti zamin hai sar pe jalta aasman
jaise do mulkon ko ek sarhad alag karti hui
waqt ne KHat aisa khincha mere us ke darmiyan
ab ke sailab-e-bala sab kuchh baha kar le gaya
ab na KHwabon ke jazire hain na dil ki kashtiyan
lutf un ka ab hua to hai magar kuchh is tarah
jaise sahra se guzar jae koi abr-e-rawan
munhasir hai aisi ek buniyaad par us ka yaqin
jis tarah dosh-e-hawa par koi tinkon ka makan
be-zabanon se KHamoshi ka gila kaisa ki jab
so gae lafzon ki chadar tan kar ahl-e-zaban
ye safar kaisa hai 'mohsin' jitna baDhte jaiye
baDhti jaen utni hi manzil-ba-manzil duriyan
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
