duniya mein suragh-e-rah-e-duniya nahin milta
duniyā meñ surāġh-e-rah-e-duniyā nahīñ miltā
dariyā meñ utar jaa.eñ to dariyā nahīñ miltā
baaqī to mukammal hai tamannā kī imārat
ik guzre hue vaqt kā shīsha nahīñ miltā
jaate hue har chiiz yahīñ chhoḌ gayā thā
lauTā huuñ to ik dhuup kā TukḌā nahīñ miltā
jo dil meñ samā.e the vo ab shāmil-e-dil haiñ
is aa.ine meñ aks kisī kā nahīñ miltā
tū ne hī to chāhā thā ki miltā rahūñ tujh se
terī yahī marzī hai to achchhā nahīñ miltā
dil meñ to dhaḌakne kī sadā bhī nahīñ 'mushtāq'
raste meñ hai vo bhiiḌ ki rasta nahīñ miltā
duniya mein suragh-e-rah-e-duniya nahin milta
dariya mein utar jaen to dariya nahin milta
baqi to mukammal hai tamanna ki imarat
ek guzre hue waqt ka shisha nahin milta
jate hue har chiz yahin chhoD gaya tha
lauTa hun to ek dhup ka TukDa nahin milta
jo dil mein samae the wo ab shamil-e-dil hain
is aaine mein aks kisi ka nahin milta
tu ne hi to chaha tha ki milta rahun tujh se
teri yahi marzi hai to achchha nahin milta
dil mein to dhaDakne ki sada bhi nahin 'mushtaq'
raste mein hai wo bhiD ki rasta nahin milta
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
