yun bhi ho samne ek phul sa chehra howe

yuuñ bhī ho sāmne ik phuul sā chehra hove

har ghaḌī yaar isī baat pe charchā hove

haañ agar chaah le to merā masīhā hove

zaḳhm bhar jaa.e mire dil kā mudāvā hove

baaġh meñ jab kabhī aa.e vo barā-e-tafrīh

chār-sū peḌ huuñ aur peḌ kā saaya hove

chāñd bhī rashk kare jis kī ziyā-bārī par

kaash mahbūb mirā koī to aisā hove

zindagī bhar ke liye ek nishānī mil jaa.e

zaḳhm ahbāb agar deñ to vo gahrā hove

jis ko maiñ yaad karūñ vo ho muqābil mere

kaash aisā bhī kisī din mire maulā hove

haq kī ḳhātir to zabāñ kholnī hogī 'adnān'

ye alag baat hai tīkhā tirā lahja hove

yun bhi ho samne ek phul sa chehra howe

har ghaDi yar isi baat pe charcha howe

han agar chah le to mera masiha howe

zaKHm bhar jae mere dil ka mudawa howe

bagh mein jab kabhi aae wo bara-e-tafrih

chaar-su peD hun aur peD ka saya howe

chand bhi rashk kare jis ki ziya-bari par

kash mahbub mera koi to aisa howe

zindagi bhar ke liye ek nishani mil jae

zaKHm ahbab agar den to wo gahra howe

jis ko main yaad karun wo ho muqabil mere

kash aisa bhi kisi din mere maula howe

haq ki KHatir to zaban kholni hogi 'adnan'

ye alag baat hai tikha tera lahja howe