nazar ke tir ka dil par nishan nahin hota

nazar ke tiir kā dil par nishāñ nahīñ hotā

gumāñ to hotā hai lekin 'ayāñ nahīñ hotā

madad ke vāste yaaro ḳhudā ko yaad karo

ḳhudā se baḌh ke koī mehrbāñ nahīñ hotā

diyā hai mujh ko ḳhudā ne vahāñ se ai logo

jahāñ se milne kā koī gumāñ nahīñ hotā

banī hai jin ke liye us jahān meñ dozaḳh

unhīñ kā ḳhuld meñ koī makāñ nahīñ hotā

agar vo ḳhuld hameñ muft meñ hī mil jaatī

to zindagī meñ kabhī imtihāñ nahīñ hotā

akele aa.e jahāñ meñ akele jaanā hai

ye vo safar hai jahāñ kārvāñ nahīñ hotā

phir un kī bazm 'asar' suunī suunī rah jaatī

jo ittifāq se maiñ bhī vahāñ nahīñ hotā

nazar ke tir ka dil par nishan nahin hota

guman to hota hai lekin 'ayan nahin hota

madad ke waste yaro KHuda ko yaad karo

KHuda se baDh ke koi mehrban nahin hota

diya hai mujh ko KHuda ne wahan se ai logo

jahan se milne ka koi guman nahin hota

bani hai jin ke liye us jahan mein dozaKH

unhin ka KHuld mein koi makan nahin hota

agar wo KHuld hamein muft mein hi mil jati

to zindagi mein kabhi imtihan nahin hota

akele aae jahan mein akele jaana hai

ye wo safar hai jahan karwan nahin hota

phir un ki bazm 'asar' suni suni rah jati

jo ittifaq se main bhi wahan nahin hota