kaisa diwana-war sa chup-chap

kaisā dīvāna-vār sā chup-chāp

phir rahā hai vo jā-ba-jā chup-chāp

sāmne koī ġharq-e-āb huā

aur maiñ dekhtā rahā chup-chāp

she'r meñ apne Dhālne ke liye

suntā rahtā huuñ vāqi'a chup-chāp

vaqt kyā kuchh dikhāne vaalā hai

dekhā kartā hai aa.ina chup-chāp

chashm-e-sāqī kī aas dil meñ liye

chal diye ham bhī mai-kada chup-chāp

jo masā.il haiñ saare hal hoñge

apne rab se karo du'ā chup-chāp

she'r-goī kā hai shaġhaf jab to

jaarī rakhnā hai silsila chup-chāp

jo bhī aañsū milā guhar kī tarah

ham ne dāman meñ bhar liyā chup-chāp

kaisa diwana-war sa chup-chap

phir raha hai wo ja-ba-ja chup-chap

samne koi gharq-e-ab hua

aur main dekhta raha chup-chap

she'r mein apne Dhaalne ke liye

sunta rahta hun waqi'a chup-chap

waqt kya kuchh dikhane wala hai

dekha karta hai aaina chup-chap

chashm-e-saqi ki aas dil mein liye

chal diye hum bhi mai-kada chup-chap

jo masail hain sare hal honge

apne rab se karo du'a chup-chap

she'r-goi ka hai shaghaf jab to

jari rakhna hai silsila chup-chap

jo bhi aansu mila guhar ki tarah

hum ne daman mein bhar liya chup-chap