dawa bhi kaam wahan par sada nahin aati

davā bhī kaam vahāñ par sadā nahīñ aatī

jahāñ kisī ke laboñ par du'ā nahīñ aatī

kisī ko choT lage dard ham ko hotā hai

vo kaise log haiñ jin ko dayā nahīñ aatī

paḌegā lau ko lagānā ziyā-e-dil ke liye

lage na lau to diloñ meñ ziyā nahīñ aatī

vafā ke vāste ai dil haiñ imtihān bahut

dayār-e-'ishq meñ yuuñ hī vafā nahīñ aatī

du'ā.eñ dil se kare jo sadā bashar ke liye

laboñ pe us ke kabhī bad-du'ā nahīñ aatī

tumhāre dard-e-jigar kī davā mile shāyad

hamāre dard-e-jigar kī davā nahīñ aatī

diloñ ko toḌnā kam-zarf kī adā Thahrī

hameñ to aaj bhī aisī adā nahīñ aatī

hamārī baat kā tum ko yaqīñ nahīñ lekin

ye baat sach hai 'asar' ko jafā nahīñ aatī

dawa bhi kaam wahan par sada nahin aati

jahan kisi ke labon par du'a nahin aati

kisi ko choT lage dard hum ko hota hai

wo kaise log hain jin ko daya nahin aati

paDega lau ko lagana ziya-e-dil ke liye

lage na lau to dilon mein ziya nahin aati

wafa ke waste ai dil hain imtihan bahut

dayar-e-'ishq mein yun hi wafa nahin aati

du'aen dil se kare jo sada bashar ke liye

labon pe us ke kabhi bad-du'a nahin aati

tumhaare dard-e-jigar ki dawa mile shayad

hamare dard-e-jigar ki dawa nahin aati

dilon ko toDna kam-zarf ki ada Thahri

hamein to aaj bhi aisi ada nahin aati

hamari baat ka tum ko yaqin nahin lekin

ye baat sach hai 'asar' ko jafa nahin aati