dast-e-talab dua mein uThae hue raho

dast-e-talab du'ā meñ uThā.e hue raho

rahmat se us kī aas lagā.e hue raho

kaif-e-nashāt-e-husn kā markaz yahī to hai

saaqī se apnī aañkh milā.e hue raho

miltī kahāñ hai ashk-e-nadāmat kī aabrū

dāman meñ us ko apne chhupā.e hue raho

is sar kā e'tibār nahīñ kab kahāñ jhuke

us sang-e-āstāñ pe jhukā.e hue raho

'hindī' ba-faiz-e-jazba-e-'irfān-o-āgahī

kaunain kī nazar meñ samā.e hue raho

dast-e-talab du'a mein uThae hue raho

rahmat se us ki aas lagae hue raho

kaif-e-nashat-e-husn ka markaz yahi to hai

saqi se apni aankh milae hue raho

milti kahan hai ashk-e-nadamat ki aabru

daman mein us ko apne chhupae hue raho

is sar ka e'tibar nahin kab kahan jhuke

us sang-e-astan pe jhukae hue raho

'hindi' ba-faiz-e-jazba-e-'irfan-o-agahi

kaunain ki nazar mein samae hue raho