sulag rahe hain alao se mere andar bhi

sulag rahe haiñ alaao se mere andar bhī

bujhī na pyaas mirī bārishoñ meñ rah kar bhī

vo kyā gayā ki sabhī bastiyāñ ujaaḌ huiiñ

dikhā.ī de na kisī baam par kabūtar bhī

magar ye shart ki tū bhī kabhī udaas na ho

sameT lūñgā maiñ āñkhoñ meñ ik samundar bhī

kahīñ pe tarz-e-'amal vaj.h-e-iḳhtilāf na ho

vo dushmanoñ meñ rahā merā dost ban kar bhī

maiñ daad detā huuñ tujh ko farāḳh-dil duniyā

nazar bujhā ke sajā.e haiñ tū ne manzar bhī

purāne ḳhvāb mire jism se utaar 'asar'

girā sake na zamīñ par mujhe kaTe par bhī

sulag rahe hain alao se mere andar bhi

bujhi na pyas meri barishon mein rah kar bhi

wo kya gaya ki sabhi bastiyan ujaD huin

dikhai de na kisi baam par kabutar bhi

magar ye shart ki tu bhi kabhi udas na ho

sameT lunga main aankhon mein ek samundar bhi

kahin pe tarz-e-'amal wajh-e-iKHtilaf na ho

wo dushmanon mein raha mera dost ban kar bhi

main dad deta hun tujh ko faraKH-dil duniya

nazar bujha ke sajae hain tu ne manzar bhi

purane KHwab mere jism se utar 'asar'

gira sake na zamin par mujhe kaTe par bhi