hua jo KHatm mera sim-o-zar gae ahbab

huā jo ḳhatm mirā sīm-o-zar ga.e ahbāb

isī sabab mire dil se utar ga.e ahbāb

yuuñ kaaT dī mirī shah-rag mujhe ḳhabar na huī

baḌe hunar se mirā qatl kar ga.e ahbāb

kabhī thā vaqt ki thī dostī 'azīz az-jāñ

guzar ga.ī vo sadī vo guzar ga.e ahbāb

unheñ nikāl do dil se rakho na soch meñ bhī

'mudassir' aise hī samjho ki mar ga.e ahbāb

hua jo KHatm mera sim-o-zar gae ahbab

isi sabab mere dil se utar gae ahbab

yun kaT di meri shah-rag mujhe KHabar na hui

baDe hunar se mera qatl kar gae ahbab

kabhi tha waqt ki thi dosti 'aziz az-jaan

guzar gai wo sadi wo guzar gae ahbab

unhen nikal do dil se rakho na soch mein bhi

'mudassir' aise hi samjho ki mar gae ahbab