tum koi is se tawaqqo na lagana mare dost

tum koī is se tavaqqo na lagānā mare dost

ye zamāna hai zamāna hai zamāna mire dost

sāmne to ho tasavvur meñ kahānī koī

ik haqīqat se baḌā ek fasāna mire dost

mere beTe maiñ tumheñ dost samajhne lagā huuñ

tum baḌe ho ke mujhe duniyā dikhānā mire dost

dekh saktā bhī nahīñ mujh ko zarūrat bhī nahīñ

merī tasvīr magar us ko dikhānā mire dost

kahne vaale ne kahā dekh ke chehra merā

ġham-e-ḳhazāna hai ise sab se chhupānā mire dost

terī mahfil ke liye bā.is-e-barkat hogā

nā-murādān-e-mohabbat ko bulānā mire dost

tum ko ma.alūm to hai mujh pe jo guzrī 'taimūr'

pūchh kar mujh se zarūrī hai rulānā mire dost

tum koi is se tawaqqo na lagana mare dost

ye zamana hai zamana hai zamana mere dost

samne to ho tasawwur mein kahani koi

ek haqiqat se baDa ek fasana mere dost

mere beTe main tumhein dost samajhne laga hun

tum baDe ho ke mujhe duniya dikhana mere dost

dekh sakta bhi nahin mujh ko zarurat bhi nahin

meri taswir magar us ko dikhana mere dost

kahne wale ne kaha dekh ke chehra mera

gham-e-KHazana hai ise sab se chhupana mere dost

teri mahfil ke liye bais-e-barkat hoga

na-muradan-e-mohabbat ko bulana mere dost

tum ko malum to hai mujh pe jo guzri 'taimur'

puchh kar mujh se zaruri hai rulana mere dost