aaj bhi tishna-labi tishna-labi hai ai dost

aaj bhī tishna-labī tishna-labī hai ai dost

kyā na chhalkegī jo āñkhoñ meñ bharī hai ai dost

jo kamī pahle thī vo phir bhī kamī hai ai dost

ye jo thoḌī sī hañsī zer-e-labī hai ai dost

aap ko dekh mire zauq-e-fanā ko bhī dekh

ye tirī shīshagarī dard-sarī hai ai dost

mai-e-gulfām meñ kuchh durd-e-tah-e-jām sahī

vo ḳhushī kaisī ḳhushī jis meñ kamī hai ai dost

ḳhaak meñ rañg-e-gulistāñ ko bhalā dekh sakūñ

mirī āñkhoñ meñ agar itnī namī hai ai dost

tāb-e-parvāz thī jin ko vo ga.e bhī 'mas.ū'

ham kahāñ jaa.eñ ki be-bāl-o-parī hai ai dost

aaj bhi tishna-labi tishna-labi hai ai dost

kya na chhalkegi jo aankhon mein bhari hai ai dost

jo kami pahle thi wo phir bhi kami hai ai dost

ye jo thoDi si hansi zer-e-labi hai ai dost

aap ko dekh mere zauq-e-fana ko bhi dekh

ye teri shishagari dard-sari hai ai dost

mai-e-gulfam mein kuchh durd-e-tah-e-jam sahi

wo KHushi kaisi KHushi jis mein kami hai ai dost

KHak mein rang-e-gulistan ko bhala dekh sakun

meri aankhon mein agar itni nami hai ai dost

tab-e-parwaz thi jin ko wo gae bhi 'masu'

hum kahan jaen ki be-baal-o-pari hai ai dost