dost kya KHud ko bhi pursish ki ijazat nahin di
dost kyā ḳhud ko bhī pursish kī ijāzat nahīñ dī
dil ko ḳhuuñ hone diyā aañkh ko zahmat nahīñ dī
ham bhī us silsila-e-ishq meñ bai.at haiñ jise
hijr ne dukh na diyā vasl ne rāhat nahīñ dī
ham bhī ik shaam bahut uljhe hue the ḳhud meñ
ek shaam us ko bhī hālāt ne mohlat nahīñ dī
ājizī baḳhshī ga.ī tamkanat-e-faqr ke saath
dene vaale ne hameñ kaun sī daulat nahīñ dī
bevafā dost kabhī lauT ke aa.e to unheñ
ham ne iz.hār-e-nadāmat kī aziyyat nahīñ dī
dil kabhī ḳhvāb ke pīchhe kabhī duniyā kī taraf
ek ne ajr diyā ek ne ujrat nahīñ dī
dost kya KHud ko bhi pursish ki ijazat nahin di
dil ko KHun hone diya aankh ko zahmat nahin di
hum bhi us silsila-e-ishq mein baiat hain jise
hijr ne dukh na diya wasl ne rahat nahin di
hum bhi ek sham bahut uljhe hue the KHud mein
ek sham us ko bhi haalat ne mohlat nahin di
aajizi baKHshi gai tamkanat-e-faqr ke sath
dene wale ne hamein kaun si daulat nahin di
bewafa dost kabhi lauT ke aae to unhen
hum ne izhaar-e-nadamat ki aziyyat nahin di
dil kabhi KHwab ke pichhe kabhi duniya ki taraf
ek ne ajr diya ek ne ujrat nahin di
- Book : Mahr-e-Do neem (Pg. 81)
- Author : iftikhaar aarif
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
