chalo ab ishq mein aisa karen hum

chalo ab 'ishq meñ aisā kareñ ham

chalo ab 'ishq se tauba kareñ ham

hazāroñ saal jo sochā gayā hai

use kyā soch kar sochā kareñ ham

kitāb-e-hijr ke suune varaq par

tumhārā naam kyuuñ likkhā kareñ ham

zarūrī kyā ki har din ḳhvāb dekheñ

zarūrī kyā ki phir pīchhā kareñ ham

bichhaḌte vaqt vo royā nahīñ thā

kisī kā jhūTh kyuuñ pakḌā kareñ ham

yahī ik jhūTh sab kā aasrā hai

tire hone pe kyā charchā kareñ ham

musalsal hai hamārī be-niyāzī

kisī se kyā bhalā shikva kareñ ham

badalnā vaqt kī tāsīr hai par

rivāyat ke liye ab kyā kareñ ham

chalo ab 'ishq mein aisa karen hum

chalo ab 'ishq se tauba karen hum

hazaron sal jo socha gaya hai

use kya soch kar socha karen hum

kitab-e-hijr ke sune waraq par

tumhaara nam kyun likkha karen hum

zaruri kya ki har din KHwab dekhen

zaruri kya ki phir pichha karen hum

bichhaDte waqt wo roya nahin tha

kisi ka jhuTh kyun pakDa karen hum

yahi ek jhuTh sab ka aasra hai

tere hone pe kya charcha karen hum

musalsal hai hamari be-niyazi

kisi se kya bhala shikwa karen hum

badalna waqt ki tasir hai par

riwayat ke liye ab kya karen hum