zist ka aasan rasta dekh lo
ziist kā āsān rasta dekh lo
'ishq dekho yā ki sahrā dekh lo
ek jānib ātish-e-ġhaflat huī
merī jānib dil ko jaltā dekh lo
dhuup kī tum ko talab hai is-qadar
kuchh dinoñ tak koī saaya dekh lo
le rahe ho kyuuñ kisī se intiqām
maut kā kuchh roz rasta dekh lo
ik baġhīcha khil uThā qirtās par
aaj koī naam likkhā dekh lo
chand din to sab ke sab karte haiñ 'ishq
zindagī bhar kaun bhāyā dekh lo
us kī zulfoñ meñ bahut se chāñd haiñ
ho gayā raushan ye shāna dekh lo
zindagī 'āshiq kī gar ho dekhnā
kuchh nahīñ bas ek dariyā dekh lo
us taraf se kis ne khiḌkī khol dī
is taraf se dil ye chamkā dekh lo
zist ka aasan rasta dekh lo
'ishq dekho ya ki sahra dekh lo
ek jaanib aatish-e-ghaflat hui
meri jaanib dil ko jalta dekh lo
dhup ki tum ko talab hai is-qadar
kuchh dinon tak koi saya dekh lo
le rahe ho kyun kisi se intiqam
maut ka kuchh roz rasta dekh lo
ek baghicha khil uTha qirtas par
aaj koi nam likkha dekh lo
chand din to sab ke sab karte hain 'ishq
zindagi bhar kaun bhaya dekh lo
us ki zulfon mein bahut se chand hain
ho gaya raushan ye shana dekh lo
zindagi 'ashiq ki gar ho dekhna
kuchh nahin bas ek dariya dekh lo
us taraf se kis ne khiDki khol di
is taraf se dil ye chamka dekh lo
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
