pahle laga ki dur wo jaane lage bahut

pahle lagā ki duur vo jaane lage bahut

phir yuuñ huā ki yaad vo aane lage bahut

vīrān dil meñ phir tirī yādoñ ke qāfile

raftār dhaḌkanoñ kī baḌhāne lage bahut

ye intishār TukḌoñ meñ yūñhī nahīñ huā

dar-asl mere dil pe nishāne lage bahut

bhūlā nahīñ huuñ aaj bhī ye aur baat hai

ye dard-e-dil bhulāne ko shāne lage bahut

ham ko kisī ke sang se diqqat nahīñ huī

lekin tire diye hue tā'ne lage bahut

jab tak thī zindagī to rulāyā gayā mujhe

āñkheñ huiiñ jo band manāne lage bahut

'dānish' ye kaisā daur-e-mohabbat hai dekhiye

mahbūb haiñ jo dil ko dukhāne lage bahut

pahle laga ki dur wo jaane lage bahut

phir yun hua ki yaad wo aane lage bahut

viran dil mein phir teri yaadon ke qafile

raftar dhaDkanon ki baDhane lage bahut

ye intishaar TukDon mein yunhi nahin hua

dar-asl mere dil pe nishane lage bahut

bhula nahin hun aaj bhi ye aur baat hai

ye dard-e-dil bhulane ko shane lage bahut

hum ko kisi ke sang se diqqat nahin hui

lekin tere diye hue ta'ne lage bahut

jab tak thi zindagi to rulaya gaya mujhe

aankhen huin jo band manane lage bahut

'danish' ye kaisa daur-e-mohabbat hai dekhiye

mahbub hain jo dil ko dukhane lage bahut