na kalai rahi na kangan hai
na kalā.ī rahī na kangan hai
phir bhī baazū usī kā raushan hai
kitnā be-bas hai aañkh kā paanī
kitnī mahdūd dil kī dhaḌkan hai
koī ilhām ho na ho lekin
ḳhvāb kā silsila yaqīnan hai
us ke lahje meñ chāshnī hai bahut
us kī bātoñ meñ ik nayā-pan hai
mere pahlū meñ ro rahī hai magar
mere dil meñ 'ajīb uljhan hai
us kī āñkhoñ meñ qaid haiñ manzar
mere siine meñ ek rauzan hai
shahr ābād ho gayā 'bāsit'
gaañv māyūsiyoñ bharā ban hai
na kalai rahi na kangan hai
phir bhi bazu usi ka raushan hai
kitna be-bas hai aankh ka pani
kitni mahdud dil ki dhaDkan hai
koi ilham ho na ho lekin
KHwab ka silsila yaqinan hai
us ke lahje mein chashni hai bahut
us ki baaton mein ek naya-pan hai
mere pahlu mein ro rahi hai magar
mere dil mein 'ajib uljhan hai
us ki aankhon mein qaid hain manzar
mere sine mein ek rauzan hai
shahr aabaad ho gaya 'basit'
ganw mayusiyon bhara ban hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
