meri aankhon se kyun nihan ho tum
merī āñkhoñ se kyuuñ nihāñ ho tum
mere mahbūb merī jaañ ho tum
bāġh-e-dil ke har ek ġhunche meñ
misl-e-ḳhushbū ravāñ-davāñ ho tum
shahr ābād hai umīdoñ kā
har tamannā kī jism-o-jāñ ho tum
jis kā mujh par tavāf lāzim hai
mehvar-e-zīst kā nishāñ ho tum
ġhaur karnā kabhī farāġhat meñ
apne 'jazbī' se sargirāñ ho tum
meri aankhon se kyun nihan ho tum
mere mahbub meri jaan ho tum
bagh-e-dil ke har ek ghunche mein
misl-e-KHushbu rawan-dawan ho tum
shahr aabaad hai umidon ka
har tamanna ki jism-o-jaan ho tum
jis ka mujh par tawaf lazim hai
mehwar-e-zist ka nishan ho tum
ghaur karna kabhi faraghat mein
apne 'jazbi' se sargiran ho tum
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
