masalon mein ghire se rahte hain
mas.aloñ meñ ghire se rahte haiñ
chāñd taare bujhe se rahte haiñ
niiñd hai ab judā nigāhoñ se
raat bhar rat-jage se rahte haiñ
ho gaye ḳhvāb bhī judā ham se
āj-kal vo Dare se rahte haiñ
dāstān-e-jigar bayāñ kar dī
qisse kuchh an-sune se rahte haiñ
dhaḌkanoñ meñ basā jo karte the
un se ab fāsle se rahte haiñ
merī taqdīr so ga.ī lekin
dil ke armāñ jage se rahte haiñ
masalon mein ghire se rahte hain
chand tare bujhe se rahte hain
nind hai ab juda nigahon se
raat bhar rat-jage se rahte hain
ho gaye KHwab bhi juda hum se
aaj-kal wo Dare se rahte hain
dastan-e-jigar bayan kar di
qisse kuchh an-sune se rahte hain
dhaDkanon mein basa jo karte the
un se ab fasle se rahte hain
meri taqdir so gai lekin
dil ke arman jage se rahte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
