hamare ishq ka ye silsila nirala hai
hamāre 'ishq kā ye silsila nirālā hai
yahāñ charāġh jalā aur vahāñ ujālā hai
tumhāre baa'd to ye dil bhī dil nahīñ lagtā
na-jāne ham ne ye siine meñ kyā sañbhālā hai
na ab ke niiñd na in āñkhoñ meñ hai koī ḳhvāb
na-jāne kaun se ye jurm kā izāla hai
phir is ke baa'd kahīñ kā nahīñ rahā huuñ maiñ
ye us ne dil se mujhe kis tarah nikālā hai
bhale se jitnī bhī chāhe ham ehtiyāt kareñ
vahī to honā hai 'ātif' jo hone vaalā hai
hamare 'ishq ka ye silsila nirala hai
yahan charagh jala aur wahan ujala hai
tumhaare ba'd to ye dil bhi dil nahin lagta
na-jaane hum ne ye sine mein kya sanbhaala hai
na ab ke nind na in aankhon mein hai koi KHwab
na-jaane kaun se ye jurm ka izala hai
phir is ke ba'd kahin ka nahin raha hun main
ye us ne dil se mujhe kis tarah nikala hai
bhale se jitni bhi chahe hum ehtiyat karen
wahi to hona hai 'atif' jo hone wala hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
