dil ne agarche be-sar-o-saman kar diya

dil ne agarche be-sar-o-sāmān kar diyā

lekin safar hayāt kā āsān kar diyā

sho'loñ ko apne pyaar se guldān kar diyā

nādān dil ne 'aql ko hairān kar diyā

sozan-numā hayāt ne ehsān kar diyā

chubh chubh ke mujh ko sāhib-e-dīvān kar diyā

tanhā.iyoñ kī lau meñ jalātā thā apnī zaat

mahfil milī to aap ko vīrān kar diyā

insān hī ko dekhiye iblīs-e-vaqt ne

insāniyat se dast-o-garebān kar diyā

tab to har ek shaḳhs ko karnā paḌā qubūl

jab us ne ahl-e-'ishq kā e'lān kar diyā

dil ne agarche be-sar-o-saman kar diya

lekin safar hayat ka aasan kar diya

sho'lon ko apne pyar se guldan kar diya

nadan dil ne 'aql ko hairan kar diya

sozan-numa hayat ne ehsan kar diya

chubh chubh ke mujh ko sahib-e-diwan kar diya

tanhaiyon ki lau mein jalata tha apni zat

mahfil mili to aap ko viran kar diya

insan hi ko dekhiye iblis-e-waqt ne

insaniyat se dast-o-gareban kar diya

tab to har ek shaKHs ko karna paDa qubul

jab us ne ahl-e-'ishq ka e'lan kar diya