dil mera agar hai to mera kyun nahin lagta
dil merā agar hai to mirā kyuuñ nahīñ lagtā
ye turfa-tamāsha bhī burā kyuuñ nahīñ lagtā
sachchā.ī se mā'mūr hai garche tirā lahja
lekin tirī nīyat se juḌā kyuuñ nahīñ lagtā
phirtā hai isī shahr meñ ab ġhair ke ham-rāh
ab shahr ke logoñ ko burā kyuuñ nahīñ lagtā
ik shaḳhs jo qurbat meñ qarīñ lagtā thā mujh ko
ab mujh se judā hai to judā kyuuñ nahīñ lagtā
jaatī hai safā ko kabhī marva ko mirī maañ
lekin tire zamzam ko pata kyuuñ nahīñ lagtā
dil mera agar hai to mera kyun nahin lagta
ye turfa-tamasha bhi bura kyun nahin lagta
sachchai se ma'mur hai garche tera lahja
lekin teri niyat se juDa kyun nahin lagta
phirta hai isi shahr mein ab ghair ke ham-rah
ab shahr ke logon ko bura kyun nahin lagta
ek shaKHs jo qurbat mein qarin lagta tha mujh ko
ab mujh se juda hai to juda kyun nahin lagta
jati hai safa ko kabhi marwa ko meri man
lekin tere zamzam ko pata kyun nahin lagta
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
