dil ko har lamha bachate rahe jazbaat se hum
dil ko har lamha bachāte rahe jazbāt se ham
itne majbūr rahe haiñ kabhī hālāt se ham
nashsha-e-mai se kahīñ pyaas bujhī hai dil kī
tishnagī aur baḌhā laa.e ḳharājāt se ham
aaj to mil ke bhī jaise na mile hoñ tujh se
chauñk uThte the kabhī terī mulāqāt se ham
ishq meñ aaj bhī hai nīm-nigāhī kā chalan
pyaar karte haiñ usī husn-e-rivāyāt se ham
markaz-e-dīda-e-ḳhūbān-e-jahāñ haiñ bhī to kyā
ek nisbat bhī to rakhte haiñ tirī zaat se ham
dil ko har lamha bachate rahe jazbaat se hum
itne majbur rahe hain kabhi haalat se hum
nashsha-e-mai se kahin pyas bujhi hai dil ki
tishnagi aur baDha lae KHarajat se hum
aaj to mil ke bhi jaise na mile hon tujh se
chaunk uThte the kabhi teri mulaqat se hum
ishq mein aaj bhi hai nim-nigahi ka chalan
pyar karte hain usi husn-e-riwayat se hum
markaz-e-dida-e-KHuban-e-jahan hain bhi to kya
ek nisbat bhi to rakhte hain teri zat se hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
