dil ki baat labon par la kar ab tak hum dukh sahte hain
dil kī baat laboñ par lā kar ab tak ham dukh sahte haiñ
ham ne sunā thā is bastī meñ dil vaale bhī rahte haiñ
biit gayā sāvan kā mahīna mausam ne nazreñ badlīñ
lekin in pyāsī āñkhoñ se ab tak aañsū bahte haiñ
ek hameñ āvāra kahnā koī baḌā ilzām nahīñ
duniyā vaale dil vāloñ ko aur bahut kuchh kahte haiñ
jin kī ḳhātir shahr bhī chhoḌā jin ke liye badnām hue
aaj vahī ham se begāne begāne se rahte haiñ
vo jo abhī is rāhguzar se chāk-garebāñ guzrā thā
us āvāra dīvāne ko 'jālib' 'jālib' kahte haiñ
dil ki baat labon par la kar ab tak hum dukh sahte hain
hum ne suna tha is basti mein dil wale bhi rahte hain
bit gaya sawan ka mahina mausam ne nazren badlin
lekin in pyasi aankhon se ab tak aansu bahte hain
ek hamein aawara kahna koi baDa ilzam nahin
duniya wale dil walon ko aur bahut kuchh kahte hain
jin ki KHatir shahr bhi chhoDa jin ke liye badnam hue
aaj wahi hum se begane begane se rahte hain
wo jo abhi is rahguzar se chaak-gareban guzra tha
us aawara diwane ko 'jalib' 'jalib' kahte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
