dil ke andar dard aankhon mein nami ban jaiye
Interesting Fact
The second couplet of this ghazal is also engraved on Saleem Ahmed's tombstone
dil ke andar dard āñkhoñ meñ namī ban jā.iye
is tarah miliye ki juzv-e-zindagī ban jā.iye
ik patiñge ne ye apne raqs-e-āḳhir meñ kahā
raushnī ke saath rahiye raushnī ban jā.iye
jis tarah dariyā bujhā sakte nahīñ sahrā kī pyaas
apne andar ek aisī tishnagī ban jā.iye
devtā banñe kī hasrat meñ muallaq ho ga.e
ab zarā nīche utariye aadmī ban jā.iye
aql-e-kul ban kar to duniyā kī haqīqat dekh lī
dil ye kahtā hai ki ab dīvāngī ban jā.iye
jis tarah ḳhālī añgūThī ko nagīna chāhiye
ālam-e-imkāñ meñ ik aisī kamī ban jā.iye
ālam-e-kasrat nihāñ hai is ikaa.ī meñ 'salīm'
ḳhud meñ ḳhud ko jam.a kiije aur ka.ī ban jā.iye
dil ke andar dard aankhon mein nami ban jaiye
is tarah miliye ki juzw-e-zindagi ban jaiye
ek patinge ne ye apne raqs-e-aKHir mein kaha
raushni ke sath rahiye raushni ban jaiye
jis tarah dariya bujha sakte nahin sahra ki pyas
apne andar ek aisi tishnagi ban jaiye
dewta banne ki hasrat mein muallaq ho gae
ab zara niche utariye aadmi ban jaiye
aql-e-kul ban kar to duniya ki haqiqat dekh li
dil ye kahta hai ki ab diwangi ban jaiye
jis tarah KHali anguThi ko nagina chahiye
aalam-e-imkan mein ek aisi kami ban jaiye
aalam-e-kasrat nihan hai is ikai mein 'salim'
KHud mein KHud ko jama kije aur kai ban jaiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
