diwar ab kahin na koi dar dikhai de
dīvār ab kahīñ na koī dar dikhā.ī de
chāroñ taraf bas ek samundar dikhā.ī de
ghar par nazar karūñ to bayābān sā lage
aur dasht-e-be-kanār mujhe ghar dikhā.ī de
ḳhvāboñ ke darmiyān hai muddat se ek jañg
maidān-e-kār-zār na lashkar dikhā.ī de
ye kyā ki phir bhī jism hai apnā lahū-luhān
aatā huā kahīñ se na patthar dikhā.ī de
har shaam zindagī kā nayā ḳhvāb le ke aa.e
har sub.h apnī maut kā manzar dikhā.ī de
is tarah paḌh rahe haiñ vo tahrīr haath kī
hāthoñ meñ jaise merā muqaddar dikhā.ī de
tiir o kamān aap bhī 'mohsin' sambhāliye
jab dostī kī aaḌ meñ ḳhanjar dikhā.ī de
diwar ab kahin na koi dar dikhai de
chaaron taraf bas ek samundar dikhai de
ghar par nazar karun to bayaban sa lage
aur dasht-e-be-kanar mujhe ghar dikhai de
KHwabon ke darmiyan hai muddat se ek jang
maidan-e-kar-zar na lashkar dikhai de
ye kya ki phir bhi jism hai apna lahu-luhan
aata hua kahin se na patthar dikhai de
har sham zindagi ka naya KHwab le ke aae
har subh apni maut ka manzar dikhai de
is tarah paDh rahe hain wo tahrir hath ki
hathon mein jaise mera muqaddar dikhai de
tir o kaman aap bhi 'mohsin' sambhaaliye
jab dosti ki aaD mein KHanjar dikhai de
- Book : sheerazah (Pg. 56)
- Author : makhmoor saeedi,Parem Gopal Mittal
- Publication : P -K Publication 3072 Partap stareet gola Market -Daryaganj delhi-6 (1973)
- Edition : 1973
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
