dhup ke zard jaziron mein numu zinda hai

dhuup ke zard jazīroñ meñ numū zinda hai

rañg-e-āshob fazāoñ meñ lahū zinda hai

ḳhvāb dar ḳhvāb bas ik chīḳhte sahrā kā sukūt

aur āñkhoñ meñ vahī diid kī ḳhū zinda hai

shāḳh-e-mizhgāñ pe mahakne lage zaḳhmoñ ke gulāb

pichhle mausam kī mulāqāt kī bū zinda hai

mere saaqī tire jāñ-baḳhsh laboñ kā hai ye faiz

dast-e-mai-kash meñ abhī tak jo subū zinda hai

shal huā jaatā hai kyuuñ haath mire qātil kā

zad pe ḳhanjar ke abhī ḳhushk gulū zinda hai

kapkapī fart-e-nadāmat se hai maujoñ meñ abhī

tishna-lab kaun sar-e-sāhil-e-jū zinda hai

kitnī jāñ-soz hai is shahr-e-munāfiq kī havā

is pe 'shāhid' mujhe hairat hai ki tū zinda hai

dhup ke zard jaziron mein numu zinda hai

rang-e-ashob fazaon mein lahu zinda hai

KHwab dar KHwab bas ek chiKHte sahra ka sukut

aur aankhon mein wahi did ki KHu zinda hai

shaKH-e-mizhgan pe mahakne lage zaKHmon ke gulab

pichhle mausam ki mulaqat ki bu zinda hai

mere saqi tere jaan-baKHsh labon ka hai ye faiz

dast-e-mai-kash mein abhi tak jo subu zinda hai

shal hua jata hai kyun hath mere qatil ka

zad pe KHanjar ke abhi KHushk gulu zinda hai

kapkapi fart-e-nadamat se hai maujon mein abhi

tishna-lab kaun sar-e-sahil-e-ju zinda hai

kitni jaan-soz hai is shahr-e-munafiq ki hawa

is pe 'shahid' mujhe hairat hai ki tu zinda hai