dhup ke sath gaya sath nibhane wala
dhuup ke saath gayā saath nibhāne vaalā
ab kahāñ aa.egā vo lauT ke aane vaalā
ret par chhoḌ gayā naqsh hazāroñ apne
kisī pāgal kī tarah naqsh miTāne vaalā
sabz shāḳheñ kabhī aise to nahīñ chīḳhtī haiñ
kaun aayā hai parindoñ ko Darāne vaalā
āriz-e-shām kī surḳhī ne kiyā faash use
parda-e-abr meñ thā aag lagāne vaalā
safar-e-shab kā taqāzā hai mire saath raho
dasht pur-haul hai tūfān hai aane vaalā
mujh ko dar-parda sunātā rahā qissa apnā
agle vaqtoñ kī hikāyāt sunāne vaalā
shabnamī ghaas ghane phuul laraztī kirneñ
kaun aayā hai ḳhazānoñ ko luTāne vaalā
ab to ārām kareñ sochtī āñkheñ merī
raat kā āḳhirī taarā bhī hai jaane vaalā
dhup ke sath gaya sath nibhane wala
ab kahan aaega wo lauT ke aane wala
ret par chhoD gaya naqsh hazaron apne
kisi pagal ki tarah naqsh miTane wala
sabz shaKHen kabhi aise to nahin chiKHti hain
kaun aaya hai parindon ko Darane wala
aariz-e-sham ki surKHi ne kiya fash use
parda-e-abr mein tha aag lagane wala
safar-e-shab ka taqaza hai mere sath raho
dasht pur-haul hai tufan hai aane wala
mujh ko dar-parda sunata raha qissa apna
agle waqton ki hikayat sunane wala
shabnami ghas ghane phul larazti kirnen
kaun aaya hai KHazanon ko luTane wala
ab to aaram karen sochti aankhen meri
raat ka aaKHiri tara bhi hai jaane wala
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
