dekhi jo zulf-e-yar tabiat sambhal gai

dekhī jo zulf-e-yār tabī.at sambhal ga.ī

aa.ī huī balā mire sar par se Tal ga.ī

pūchhā agar kisī ne mirā aa ke hāl-e-dil

be-iḳhtiyār aah laboñ se nikal ga.ī

uryāñ harārat-e-tap-e-furqat se maiñ rahā

har baar mere jism kī poshāk jal ga.ī

kaifiyat-e-bahār jo yaad aa.ī zer-e-ḳhāk

dāġh-e-junūñ se apnī tabī.at bahal ga.ī

us ke dahān-e-tañg kī tañgī na pūchhiye

ejaaz samjhe baat jo muñh se nikal ga.ī

furqat meñ ham-baġhal jo huā 'barq' gor se

hasrat visāl-e-yār kī dil se nikal ga.ī

dekhi jo zulf-e-yar tabiat sambhal gai

aai hui bala mere sar par se Tal gai

puchha agar kisi ne mera aa ke haal-e-dil

be-iKHtiyar aah labon se nikal gai

uryan hararat-e-tap-e-furqat se main raha

har bar mere jism ki poshak jal gai

kaifiyat-e-bahaar jo yaad aai zer-e-KHak

dagh-e-junun se apni tabiat bahal gai

us ke dahan-e-tang ki tangi na puchhiye

ejaz samjhe baat jo munh se nikal gai

furqat mein ham-baghal jo hua 'barq' gor se

hasrat visal-e-yar ki dil se nikal gai