raat maine raushni se baat ki
raat maiñ ne raushnī se baat kī
us kī har pākīzgī se baat kī
jis meñ jitnā zarf hotā hai miyāñ
us ne utnī 'ājizī se baat kī
'ishq ke vo bhī nashe meñ chuur thā
maiñ ne bhī dīvāngī se baat kī
yaar merā mas.ala āsān thā
us ne hī pechīdgī se baat kī
ḳhud se 'amjad' baat kar ke yuuñ lagā
jaise maiñ ne zindagī se baat kī
raat main ne raushni se baat ki
us ki har pakizgi se baat ki
jis mein jitna zarf hota hai miyan
us ne utni 'ajizi se baat ki
'ishq ke wo bhi nashe mein chur tha
main ne bhi diwangi se baat ki
yar mera masala aasan tha
us ne hi pechidgi se baat ki
KHud se 'amjad' baat kar ke yun laga
jaise main ne zindagi se baat ki
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
